2018 жылдың 26-шы қазанында М. Қозыбаев атындағы СҚМУ-да өткен белгілі ақын, айтыс өнерінің майталманы, көркемсөз шебері Игібай Әлібаевтың 115 жылдығына арналған Республикалық ғылыми-тәжірибелік конференциясына И. Әлібаевтың туысқандары, Л.Н. Гумилев атындағы Еуразия Ұлттық университетінің өкілдері, Ш. Уалиханов атындағы Көкшетау университетінің профессорлары, И. Әлібаев шығармашылығының зерттеуші-ғалымдары, СҚО қоғам қайраткерлері М. Қозыбаев атындағы СҚМУ профессорлық-оқытушылар құрамы мен студенттері қатысты.
Конферецияның мақсаты жерлес атамыздың әдеби мұрасын зерттеу бойынша тәжірибе алмасу және халық ақынының шығармашылығын тәрбиелеу.
Келген қонақтар өз баяндамаларында әншінің өмірі мен шығармашылығы туралы айтты. Университетіміздің «Қазақ тілі және әдебиет» кафедрасының меңгерушісі Жанбай Қадыров: «Игібай Әлібаев ақын атамыз Сәбит Мұқановпен жақын дәмдес болған, екеуі Шығыс Қазақстан облысын аралап, халық композиторлары Ақан, Біржаннын еліне барған. Өңіріміздің көптеген айтыскерлерінің туындылары шыққаны жерлес Сәбит атамыздың арқасында екенін»,- айтты. Жанбай Қадыровтың баяндамасы сазгер ақынның шығармашылығын мектепте оқыту қажеттілі тақырыбында екен. Себебі қазіргі жастарға бұл тақырып бүгінгі таңда өзекті.
Жалпы ұйымдастырылған конференцияның міндеті И. Әлібаевтың шығармашылығының болашақ ұрпақ тәрбиелеудегі маңыздылығын арттыру, әншінің өмірі мен шығармашылығын зерттеуге студенттердің қызығушылығын арттыру және Ұлы ақынның туындылары арқылы отансүйгіштік, өзінің еліне, жеріне, тіліне деген сүйіспеншілікке тәрбиелеу болып табылады.
