2018 жылдың 8-9 қараша күндері аралығында студенттер арасында өткен спорттық жарысты "Сұңқар" спорт клубы, "Дене шынықтыру", "Дене шынықтыру және әскери тәрбие теориясы мен әдістемесі" кафедралары бірлесе ұйымдастырды.
Футзалдан сайыс жатақханада тұратын студенттер арасында өткізілді. Додаға барлығы 5 команда қатысып, өзара мықтыны анықтады. Бұл ойынның футболдан айырмашылығы – ойыншылар даладағы алаңдарда емес, жабық спортзалдарда ғана сынға түседі. Айта кеткен жөн, бұл күндері №1 оқу корпусының жаттығу залында футболдан байрақты бәсеке өтті. Жарыстың жеңімпаздары болып №3 жатақхананың командасы атанды.
Сонымен қоса, тоғыз құмалақ ойынынан да сайыс ұйымдастырылды. Оған саны 50-ге жуық студенттер қатысты. Интеллектуалды турнирде ұлдар мен қыздар бірдей ат салысып, жеңімпаздарды анықтады.
Су бетіндегі доп, жанкүйерлердің дауысы мен төреші ысқырығы. Бұл - су полосынан жарыс. Аталмыш дода өткен аптада М.Қозыбаев атындағы СҚМУ бассейнінде өткен болатын. Осы сайыста студенттер мен магистранттар сынға түсті. Нәтижесінде, Ю-17 тобының студенттері мен болашақ заңгерлер командасы жеңіске қол жеткізді.
