М. Қозыбаев атындағы СҚМУ-да сапа күнін атап өтті

Дүниежүзілік сапа күні (WorldQualityDay) – әлемнің көптеген елдерінде, жыл сайын қарашаның екінші бейсембісінде аталып өтетін іс-шара. Ал биыл бұл айтулы дата қарашаның 8-не келіп түсті. Негізінен, осы күнді құрудың бастамашысы Біріккен Ұлттар Ұйымының (БҰҰ) қолдауымен Еуропалық сапа ұйымы болып табылады.

Осыған орай, 2018 жылдың қарашаның 13-і  М. Қозыбаев атындағы СҚМУ-да сапа күнін атап өтті. Дүниежүзілік сапа күніне орайластырылған шараны «көлік және машина жасау», «энергетика және радиоэлектроника» кафедралары бірлесе ұйымдастырды. Онда студенттер «дүниежүзілік сапа күнінің тарихы», «интернационалдандыру білім беру бағдарламаларын дамыту құралы ретінде және жоғары білім сапасын арттыру», «сапа- табыс!», «электр энергиясының сапасы» тақырыптарында баяндамалар оқыды.

Студенттер мен оқытушылар жиылған отырысты көлік және машина жасау кафедрасының меңгерушісі Виталий Савинкин ашты. Қатысушыларды құттықтай отырып, ол стандарттаудың негізгі мақсаты мемлекеттің тұрмыс жағдайында техникалық реттеу әдістерімен қамтамасыз ету екенін атап өтті.

Отырыстың соңында студенттер арасында 3 кезеңнен тұратын қызықты ойындар өткізілді. Жеңімпаз және жүлдегер командаларға құнды сыйлықтар табысталды.