2018 жылдың қарашаның 14-і М.Қозыбаев атындағы СҚМУ студентері «Қазақстандықтардың әл-ауқатының өсуі: табыс пен тұрмыс сапасын арттыру» атты Елбасы Н.Ә.Назарбаевтың Қазақстан халқына арнаған Жолдауын кеңінен талқылады. Аталмыш шараны «Германо-роман филологиясы» кафедрасы ұйымдастырды.
Дөңгелек үстел барысында Жолдауда айтылған міндеттер сөз болып, әрбір студент өз пікірлерін ортаға салды. Сонымен қоса, шет тілі -15 тобының студенті Назерке Оспан Елбасы Жолдауы Қазақстандағы әлеуметтік-экономикалық және саяси өзгерістердің бастауы, еліміздің жаңа технологиялық өсуге қадам басуы екенін атап өтті.
Жиынға қатысқан профессорлар, оқытушылар мен студенттер жолдау туралы пікірлерін білдірді. Еліміз үшін бұл жолдау өте маңызды екенін айтып, бір ауыздан қолдау білдірді.
Содан кейін, ұйымдастырушылар баяндамалардың материалдарына негізделген викторина өткізді. Ал шараның соңында ең белсенді қатысушыларға сертификаттар табысталды.
