15.11.2018ж. күні М.Қозыбаев атындағы Солтүстік Қазақстан мемлекетттік университеті «Практикалық қазақ тілі» кафедрасының ұйымдастыруымен жерлес ақын Мағжан Жұмабаевтың шығармашылығын насихаттау мақсатында және Қазақстан Республикасы Президенті Н.Ә.Назарбаевтың «Рухани жаңғыру» бағдарламасы аясында «Мен Мағжанмен мақтанамын» атты ашық микрофон өткізілді. Ашық микрофонның міндеттері: білім алушылардың қазақ әдебиетінің туындыларына деген қызығушылықтарын ынталандыру; жастарды қазақ тіліндегі әдеби шығармашылыққа баулу; студенттердің мемлекеттік тілді үйренудегі қиыншылықтарын шешу жолында тілді қолдануға жағдай жасау; білім алушылардың қазақ тілін үйренуге бағытталған жобаларын қолдау. Шара барысында ақынның «Түркістан» поэмасынан үзінділер, «Қазақ тілі», «Мен жастарға сенемін», «Сүй, жан сәулем», «Сағындым» және т.б. шығармалары оқылды.
