2018 жылғы 16 қарашада «Қозыбаев оқулары-2018: жаһандық сын-қатерлер жағдайында Қазақстан мен Ресей өңірлерінің дамуының Еуразиялық әлеуеті және жаңа мүмкіндіктері» атты Халықаралық ғылыми-тәжірибелік конференция шеңберінде «Ауыл шаруашылығы ғылымдары» секциясының отырысы өтті.
Қатысушылардың баяндамалары Қазақстан Республикасының аграрлық секторын дамытудың басым мәселелері мен әлеуеттері қозғады: Көкжон техногенді үйіндісіндегі өсімдіктердің табиғи жолымен қалыптасу үрдістері, Солтүстік Қазақстан облысы жағдайында Жаздық рапс будандарының экологиялық сынағы, «Племзавод Алабота» ЖШС-дағы ет мал табынының генеалогиялық құрылымы және зауыт желісінің құрылу тарихы, Солтүстік Қазақстанның орманды дала жағдайында сортты сынау кезінде Қытай селекциясының жаздық бидайының өнімділігі.
Секция жұмысының қорытындысы бойынша резолюция қабылданды. Конференцияға қатысушыларға сертификаттар берілді.
