2018 жылдың 22-ші қарашсында М. Қозыбаев атындағы СҚМУ-дың «Журналистика» кафедрасы «Кәсіпқойлар одағы – мүмкіндікке қол жетімділік - 3» атты дөңгелек үстел ұйымдастырды.
Оған облыстық «Солтүстік Қазақстан», «Северный Казахстан» және «Проспект СК» газет редакцияларының бас редакторлары, «Тарих, экономика және құқық» факультетінің деканы және «Журналистика» кафедрасның оқытушылары мен студенттері қатысты.
Жиында бас редакторлар студенттерге журналистикаға байланысты сұрақтар қойып, олардың ойларын білді. Студенттер де өздерін қызықтыратын сауалдарға жауап ала алды. Сондай-ақ, кездесу барысында дуалды оқыту жүйесі туралы да әңгіме болды. «Журналистика» кафедрасында дуалды оқыту жүйесі 2 жыл бойы жүзеге асып келеді.
«Солтүстік Қазақстан» газетінің бас редакторы Ербақыт Амантайдың айтуынша: «Солтүстік Қазақстан» редакциясында дуалды оқыту жүйесі ағымдағы жылдан басталған және сол арқылы студенттер өздеріне тәжірибие алып, бүгінгі таңда редакцияда жұмыс жасайды».
Жиналыс соңында редакторлар студенттерді редакцияларға тәжібириеден өтуге шақырды.
