Мемлекетіміздің жетістіктері, дамуы мен оны әлем тануы, еліміздің бай тарихысыз мүмкін емес еді. Мемлекет басшысы «Ұлы даланың жеті қыры» атты мақаласымен төл тарихымызды бір жүйеге келтіруге үндейді. Яғни, құр тарихи деректер емес, жалпақ жұрт түсінетін мәдени дүниеге айналдыру мәселесін қозғайды. Бұл мәселелер туралы білім алушыларға «Қазақстан тарихы және әлеуметтік-гуманитарлық пәндер» кафедрасының доценті Анатолий Плешаков түсіндірді. Лекцияға оқу орданың барлық факультеттерінің бірінші курс студенттері қатысты.
Жиылғандарға университетіміздің ғалымдары ат салысқан СҚО Долматово ауылының маңында орналасқан ежелгі елді мекеннің қайта құрылуы туралы бейнефильм көрсетілді. Ондағы қазба жұмыстары мен ата-бабаларымыздың тұрмыстық заттарын қалпына келтіруге мектеп оқушылары мен университетіміздің студенттері белсенді көмектеседі. Анатолий Плешаков 50 жылға жуық осы археологиялық-тарихи науқандарға жастарды тартуда.
Суденттер лекторды мұқият тыңдап, шара соңында өздерін қызықтырған сұрақтарын да қойды. Айта кеткен жөн, жаңа мақалада төл тарихымыз бен мәдениетімізді жіктей келе тарихи сананы жаңғырту мәселесін көтеріп, 6 бірдей жобаны ұсынып отыр. Оның ішінде, «Ұлы дала тұлғалары» серияларын шығаруды құп көреді. Оқиғалар мен тұлғаларды уақыт тізбегі бойынша бір жүйеге келтіру тарихымыздың нағыз жетіспей тұрған тұсы,- дейді Анатолий Плешаков.
