Ағымдағы жылдың қарашаның 23-і күні университет қызметкерлері қалалық № 3 өрт сөндіру бөлімінің мамандарымен бірлесе өрт-тактикалық оқу-жаттығу жұмыстарын жүргізеді.
Биылғы жаттығу базасы - М. Қозыбаев атындағы СҚМУ-дың № 3 жатақханасы . Бұл орын кездейсоқ таңдалған жоқ. Себебі бұл 5 қабатты ғимаратта оқу орданың студенттерінің басым бөлігі тұрады.
Іс-шараның негізгі мақсаты биік құрылыстарда шыққан өртке қарсы қорғаныс пен өрт сөндіру дағдыларын қайталау, адамдарды құтқару, оқиға орнында куә болғандарды да тез әрекет етуге жаттықтыру. Сонымен қоса, осындай өрт-тактикалық оқу-жаттығу жұмыстары арқылы білім алушылар тілсіз жауды ауыздықтау мен өртті алдын алу шараларымен танысты. Шараға қатысушыларға мамандар өрт кезінде көрсетілетін алғашқы жәрдем жайлы кеңінен түсіндірді.
Айта кеткен жөн, оқыту барысында оқиға болған жерде өртті сөндіру жұмыстары мен адамдарды қауіпсіз орынға көшірудегі іс-әрекеттер пысықталды.
