2018 жылдың қарашаның 23-і М. Қозыбаев атындағы СҚМУ ұжымы кәсіби бағдар беру жұмыстарын жүргізу мақсатында қазақ мектеп гимназиясында қалалық мектеп түлектерімен кездесті. Шараға СҚМУ декандары, оқытушылары мен студенттері ат салысты.
Олар теріскейлік № 4, № 5, № 8, № 9, № 23, № 43, әл-Фараби мектеп лицейі және қазақ мектеп гимназиясының түлектеріне өңірдегі жалғыз ЖОО жайлы толық ақпарат берді. Кездесу барысында мектеп оқушыларын өздерін қызықтырып жүрген сауалдарына мағлұматтар беріліп, университет және факультет мамандықтары жайында дайындалған жарнама беттері де үлестірілді. Сонымен қатар, жиында оқу орданың барлық факультеттерінің жетістіктері, беделді түлектері, профессорлары, белсенді де озат студенттері жайлы әңгімелеп, СҚМУ туралы түсірілген бейнефильм көрсетілді.
Кәсіби бағдар беру жұмыстары жас ұрпақтың өзіне ұнаған мамандықты саналы таңдап алуға бағытталған маңызды шара болып есептелінеді. Сол себепті университетіміз бұл мақсатты ескере отырып, мектеп оқушыларына осындай талап қойып отыр.
