2018 жылдың қарашаның 27-сі күні СҚМУ-да гимнастикалық шоу өтті. Бұл шара тұңғыш Президент күніне орайластырылған. Аталмыш жарыстың ұйымдастырушылары- дене және әскери тәрбие теориясы мен әдістемесі, дене шынықтыру кафедралары. Іс-шараның басты мақсаты- студенттеріміздің арасында спорт және сауықтыру гимнастика түрлерін тарату және дамыту.
Шоуға университеттің құрама командалары қатысты. Жарыс 6 кезеңнен тұрды. Қатысушыларлдың басты міндеті - жаттығуды орындау техникасын, сондай-ақ, жаттыққан топтық жұмысты көрсету. Тапсырмалардың бірі пирамида құру еді. Қатысушылар күрделі де қауіпті жаттығуларды орындады, бұл олардың жарысқа түбегейлі дайын екендерін көрсетті. Екінші кезең эстафета болды. Әр командадан 2 адам қатысты. Қалған тапсырмалар сондай жеңіл болмады. Кейбіреуі жаттыққан үйлестіруді талап етті, мысалы, "Құрсаумен өту" немесе күш пен жылдамдықты талап ететін "Паралелль орналасқан қырлы бөренелер" жаттығуы.
Аламан бәйгенің қорытындысы бойынша, «жүзден жүйрік, мыңнан тұлпар» деп дене шынықтыру кафедрасының 4 курс студенттері танылды. 2 орынды бұл кафедраның 1 курс студенттері иеленді. Ал жүлделі 3 орынды тарих, экономика және құқық, инженерлік және сандық технологиялар мен агро-техникалық факультеттің студенттерінен құралған команда бөлісті. Сондай-ақ, іс-шараны қалалық БЖСМ-ның жас спортшылары өздерінің көрнекі жаттығуларымен көркемдей түсті. Келесі жылы "Гимнастикалық шоу" 30 жылдық мерейтойын атап өтпек.
