2018 жылдың қарашаның 28-і М. Қозыбаев атындағы СҚМУ-да «Жайдарман» ойындарының орысша лигасы өтті. Маусымашар фестивальінде 8 құрама бақтарын сынады. Осымен тура 10 жыл қатарынан өткізіліп, биыл жанданып отырған шараның мақсаты өскелең ұрпақтың арасында сахна мәдениеті мен өзін-өзі ұстау, мәдениетті сөйлеуді дамыту.
Жайдарманның бұл жолғы ерекшелігі әзілкештер сайысына тәжірибелі командалармен қатар, тағы 5 жас құрама да қатысты. «Жайдарман» ойындарының орысша лигасына дейін, барлық командалар іріктеу кезеңінен өтіп, аталмыш байқауға жолдама алған. Шарада фестивальдің құрметті қонағы, сонымен қатар әділ қазылар мүшесінің төрағасы Евгений Пеньков өңірімізде жайдарман ойындарына деген қызығушылық күнен-күнге артып келетінін атап өтті. Көңілді кештің меймандары арасында тәрбие жұмысы және әлеуметтік мәселер жөніндегі проректордың м.а Ибраев Сабыр Исмағұлұлы да болды.
Әзіл кешінде көңілді тапқырлар командалары қоғамдағы түйіткілді тілге тиек етіп, өткір мәселелерді де көтерді. Көрермен қауымды күлкіге көміп, ойландыра да білді. Айта кету керек, орысша жайдарман ойындары өткен жылдары біраз уақытқа тоқтап, осы жылы жаңаша деммен жанданды.
Сайыстың нәтижесі бойынша «Үздік актер» номинациясына Гамзат Кабиденов, ал «Үздік актриса» аталымына Елена Земникова ие болды. Жалпы командалық бақталаста 1 орынды “Сборная лиги Жайдармана” қаңжығаларына байлады. 2-ші орынды «От души» командасы иеленсе, 3-ші орынды «КаЛенка» және «Трио имени Гурбангулы Бердымухамедова» кұрамасы лайықты деп танылды.
