2018 жылдың 27-ші қарашасында М. Қозыбаев атындағы СҚМУ-да «Инклюзивтік инновациялар консорциумы» гранттық бағдарламасының шарттарын түсіндіру бойынша семинар өтті. Бұл семинар «Өнімді инновацияларды ынталандыру» жобасын іске асыру мақсатында Қазақстан Республикасы мен Дүниежүзілік банк арасындағы несиелік келісім бойынша ұйымдастырылды.
Семинарды жобаны басқару тобының өкілі Дархан Сейтқазин жүргізді. Іс-шараға коммерциялық және коммерциялық емес ұйымдардың, бизнес-қауымдастықтардың, индустриялық-инновациялық дамудың аймақтық департаменттерінің, жұмыспен қамту және әлеуметтік бағдарламалар, білім беру, денсаулық сақтау, кәсіпкерлік және туризм басқармаларының өкілдері қатысты. Сондай-ақ, әлеуметтік мәселелерді шешуді және инклюзивті инновация саласындағы жобаларды іске асырушы ғалымдар, оқытушылар мен университеттің ғылыми-педагогикалық қызметкерлері шақырылды.
Жоба аясында 2018 жылдың 25 қазанынан 10 желтоқсанға дейін «Инклюзивті инновациялардың консорциумы» гранттық бағдарламасына өтініштерді қабылдау жарияланды. Ол www.fpip.kz электрондық порталы арқылы жүзеге асырылады.
Қосымша ақпарат алу үшін келесі нөмірге хабарласуларыңызды сұраймыз: 8(7172) 23-90-35, 8-708-984-27-11 Дархан Сейтказин.
