Нағыз патриот – өз елін мақтайтын емес, нағыз патриот кемшіліктерді байқап, оларды түзеуге ықпалдастырады. 2018 жылдың қарашаның 29-ы М.Қозыбаев атындағы СҚМУ-да Рухани жаңғыру бағдарламасы аясында «Қоғамдық сананы жаңғырту: менің азаматтық ұстанымым» тақырыбында дәстүрлі аймақтық семинар өтті.
Аталмыш шараға ҚР Ұлттық Ұланның курсанттары және университетіміздің инженерлік және сандық технологиялар, тарих,экономика және құқық, математика және жаратылыстану ғылымдары факультетінің студенттері қатысты.
Семинар барысында студенттер ағылшын тілінде баяндамалар оқып, өз жобалары туралы таныстырылым ұсынды. Баяндамалардың тақырыбы көбіне руғани жаңғыру бағдарламасы, патриотизм және еліміздегі үштілділікке байланысты болды.
Сонымен қоса, тыңдаушылар спикерлерге халықаралық қарым-қатынас тілінде семинардың тақырыбы аясында сұрақтар қойып алмасты. Солардың ішінде жақында ғана Үндістан мемлекетінен келген СҚМУ студенттері де бар. Жиында үндістандықтар патриотизм жайлы өз ойларымен ашық бөлісті. Шараның соңында барлық баяндама оқыған студенттерге алғыс хаттар табысталды.
