2018 жылдың қарашаның 30-ы күні М. Қозыбаев атындағы СҚМУ-да «ПЗТМ» АҚ-мен ЖОО-ның бірлесе ұйымдастырған «Машина жасау үшін қажетті виртуалды модельдеу мен инженерлік есептеулер MSC Software(Мәскеу қаласы) корпорациясының заманауи бағдарламалық қамтамасыз ету жүйелері» тақырыбында семинар өтті.
Шара барысында MSC Software корпорациясының тарихы, оның негізгі міндеті мен мақсаты жайлы аталмыш компанияның Ресей және ТМД елдеріндегі сату жөніндегі директоры Юрий Мартыненко баяндады. Ал Ресей мен ТМД елдеріндегі кәсіпорындарында MSC Software бағдарламасын пайдалану тәжірибесі туралы MSC Software RUS компаниясының техникалық эксперті кеңінен түсіндіріп өтті.
Атап өткен жөн, MSC Software компаниясы 55 жылдан астам уақыт бойы нарықта. Негізінен, аталмыш корпорация инженерлік есептеулерді ұсынады. Бүгінгі күні MSC Software лицензиясын еліміздің 5 ЖОО иеленген. Ал Ресейде бұл университеттердің саны 10-есеге көп.
Ресейлік меймандар ұйымдастырған семинар бір күнге созылды. Шараның соңында университетіміздің оқытушылары мен студенттері компания және оның жұмысы жайында өздерін қызықтырған сұрақтарды қойды.
