2018 жылдың 11-ші желтоқсанында М. Қозыбаев атындағы СҚМУ-да «Білім беруді жаңғырту – адами капиталдың сапасын арттырудың негізгі факторы» атты халықаралық ғылыми-тәжірибиелік конференция өтті. Іс-шара ағылшын тілінде өтті, сондықтан да оған халықаралық қатынас тілін меңгеретін университетіміздің оқытушылары, студенттері мен магистранттары, сондай-ақ, Петропавл қалалық мектептер мен колледждердің мұғалімдері жиналды. Спикер ретінде АҚШ, Польша, Литва, Қытай, Иордания мен Қазақстанның ғалымдары сөз сөйледі.
Миколас Ромериса атындағы Литва университетінің профессоры Саулюс Нефас жиналғандарды шағын топтарға бөліп, оқытудын инновациялық әдістері туралы айтып, таным әдістерін ойластыруға шақырды. Аудиториямен байланысып, ол мұғалімдер мен студенттерге өз сыныптарында қолданылатын ақпаратты ұсыну әдісі туралы сұрақтар қойды. Осылайша, диалогқа қатысушылар барлық шешімдерді тапты және жаңа білім беру принциптерін жариялады.
Медхет Махмуд, медицина ғылымының докторы, Таяу Шығыстағы жоғары білім беруде кредиттік технологияны пайдалану туралы хабарлады. Мохаммад Набил Шаабан әлемдегі туристік дамыған елдердің бірі Египеттің PhD докторы – осы саладағы тәжірибесімен бөлісті. Оның мансапқа бағдарланған білім беру және туризмнің шынайы әлемдегі интеграциясы туралы баяндамасы тыңдаушыларға үлкен қызығушылық тудырды.
Сондай-ақ, білім ордамызға академиялық ұтқырлық аясында келген Тимур Мавлютов (АҚШ), Ян Вендт (Польша), Жан Мен және Юхин Янг (Австралия), Аврам Тепферде (АҚШ) кездесуге қатысты. Олар өздерінің ғылыми салаларындағы заманауи зерттеулер туралы әңгімеледі.
Іс-шарада біздің де ғалымдар сөз сөйледі. Профессор Дінмұхаммед Шайкин жоғары білім беру саласында көп тілді енгізудің тұжырымдамалық ерекшеліктері туралы әңгімеледі. Ал Евгений Тетюхин эмоциямен өзінің 46 жылдан астам уақыт бойы табысты жұмыс істеп келе жатқанын, оқу үрдісіне деген шығармашылық көзқарастары туралы айтты. Күннің екінші жартысында конференция секциялық отырыстарен жалғасты. Олар «мектеп-колледж-университет» дәйектілігі қағидаты бойынша жүзеге асырылған көптілділікке, шет тілдерін оқыту әдістемесі мен мотивациялық негіздеріне, сондай-ақ білім беруді ғылыми тұрғыда жаңғыртуға арналды.
