2018 жылдың желтоқсанның 14-і университетте Тәуелсіздік күніне орай салтанатты шара өтті. М.Қозыбаев атындағы СҚМУ ғылым және инновациялар жөніндегі проректордың м.а Ақмарал Ыбыраева мерекелік жиынды өз құттықтау сөзімен бастады. Сондай-ақ, ол университеттің жеткен жетістіктері мен факультет бойынша атқарылған жұмыстары жайлы баяндады.
«Біздің университет дамудың сара жолын жүріп өтті. Бүгінде біз облыстық және республикалық байқауларда студенттеріміз бен оқытушыларымыздың жеңістеріне мақтана аламыз. Дәл осы күндері біздің білім ордамыздың студенттері жұмыс іздеп қана қоймай, өздері сол жұмыс орнын құрып жүр», – деді Ақмарал Ғосманқызы.
Атап өткен жөн, жиын барысында ҚР Тәуелсіздігі күніне орай жоғары оқу орнының бірқатар ғалымдары мен қызметкерлеріне «Манаш Қозыбаев» медалі марапатталды. Сондай-ақ, іс-шарада «Астана 20 жыл» мерекелік медалі «Қазақстан халқы ассамблеясы» кафедрасының меңгерушісі Людмила Гривеннаяға табысталды.
Студенттер мен магистранттар оқуда жоғары көрсеткіштері мен қоғамдық өмірге белсенді қатысқаны үшін ректордың грамоталарына ие болды. Оларға "Нұр Отан" партиясы СҚОФ атынан алғыс хаттарды "Нұр Отан" партиясы "Болашақ" филиалы төрағасының бірінші орынбасары Александр Зель табыс етті. Бұдан бөлек, тағы университеттің ұстаздарына М.Қозыбаев атындағы СҚМУ ректоры дипломдары мен Алғыс хаттары табысталды.
Үздік қызметкерлерге де М.Қозыбаев атындағы СҚМУ ректорының Құрмет грамоталары ұсынылды. Мерекелік салтанат университеттің талантты студентері мен қалалық өнерпаздарының концертімен жалғасын тапты.
