2018 жылдың желтоқсанның 12 жұлдызында М.Қозыбаев атындағы СҚМУ –да студенттік ректораттың ұйымдастыруымен алғашқы «Вендік бал» өтті. Шараға оқу ордамыздың барлық факультеттері ат салысты.
Кештің шымылдығын 15 жұп вендік вальспен ашты. Іс-шара байқау түрінде өтті. Сайысқа қатысушлар 3 кезеңде бақтарын сынады. Алғашқы кезеңде қатысушылар дефиле көрсетті. Кейін әр жұп өз өнерлерін паш етіп, көрермендердің ыстық ықыласына бөленді. Жиында оқу ордамыздың студенттерімен қатар, қаламыздың өнерлі әртістері қалыс қалмады. Сонымен қатар, шараға университетіміздің студенттерінен құралған «Бес жаңалық» жайдарман тобы да көрерменді күлкіге батырды.
Аталмыш кештің тосын жаңалықтары көп болды. Мәселен, студенттермен арнайы лоторея ойнатылып, оларға бағалы сыйлықтар табысталды. Вендік балдың нәтижесі бойынша, үздік деп танылған педогогика факультетінің студенттерінен құралған жұп бұл шараның ханшайымы мен ханзадасы атанды.
