2019 жылдың қаңтардың 14-і күні М. Қозыбаев атындағы СҚМУ-да ЖОО проректорлары, декандары мен басқа да қызметкерлердің қатысуымен ректораттың кезекті отырысы өтті. Жиын барысында күн тәртібіндегі мәселелер бойынша баяндамалар оқу ордамыздың ректоры Серік Өмірбаевтің басшылығымен тыңдалды. Сондай-ақ, отырыста университетіміздің бірқатар оқытушылары марапатталды.
Ғылым және инновация жөніндегі проректор Ақмарал Ыбыраева бірден үш марапатқа ие болды: Мемлекеттік ғылыми стипендия тағайындау туралы куәлік, СҚО әкімінің Құрмет грамотасы және «Стартап Болашақ: Менің Арманым» ұлттық байқаудың стартап жобаларын дамытуға қосқан үлесі үшін ҚР БҒМ Алғыс хаты. Дәл осындай тағы бір ҚР БҒМ Алғыс хаты қаржы және менеджмент кафедрасының оқытушысы Азамат Баймағанбетовке де берілді.
Ал «Қазақ тілі мен әдебиет» кафедрасының оқытушылары Мендіқыз Тілеужанова, Гульбарам Хамзина мен Жанар Күлібековаға «Қазақстан педагогтарының қауымдастығы» Президиумының шешімі бойынша қауымдастық педагогтардың мақсаттары мен міндеттерін орындауда қосқан үлесі үшін «Қазақстанның үздік оқытушысы» ордені табысталды.
Сондай-ақ, алқалы жиында университетіміздің бірқатар оқытушыларымен қатар белсенді студенттер де марапатталды. «Құрмет. Абырой. Бірлік» қоғамдық бірлестігінің "Халық құрметі" дипломы мен медаліне "Дизайн" мамандығының 4 курс студенті Наталья Перминова ие болды.
