2019 жылғы 14 қаңтарда М. Қозыбаев атындағы СҚМУ-да профессор-оқытушы құраммен алғашқы көмек көрсету бойынша сабақ өткізілді. Аталған дәрісті азаматтық қорғаныс штабы ұйымдастырды. Сабақ барысында тыңдаушылар әртүрлі жарақаттар мен ұстамалар кезінде алғашқы көмек көрсетудің әдістері мен тәсілдері туралы дәрісті тыңдады.
Жиын барысында дәріс беруші, денсаулық пунктінің жетекшісі Салтанат Сақтағанова үлкен ұжымымыздың әрбір мүшесінің аталған білімді игеруінің маңызы зор екендігін атап көрсетті.
Жаныңдағы адамдардың уақытылы әрі дұрыс көрсеткен алғашқы көмегі жарақаттар мен аурулардың ауыр салдарларының алдын алады. Дәріс тақырыпқа байланысты слайдтар, бейнероликтермен сүйемелденді. Сабақтың қорытынды бөлігінде алған білімді бекіту үшін оқытушылар арнайы манекенде жүрек-өкпе реанимациясын жасаудың тәсілін көрсетті.
