2019 жылдың қаңтардың 17-сі М.Қозыбаев атындағы СҚМУ-да С. Сейфуллин атындағы ҚазАТУ ғалымдары мен сарапшыларының қатысуымен СҚО ауылдық тауар өндірушілері үшін АӨК цифрландыру саласындағы білімді тарату бойынша семинар өтті. Жиынға өңірдің барлық аудандарынан 120-ға жуық аграршылар жиылды. Олардың басым бөлігі біздің ЖОО түлектері.
Іс-шараны М. Қозыбаев атындағы СҚМУ ректоры Серік Өмірбаев ашты. Ол өз сөзінде оқу орданың еліміздің аграрлық саласына қосқан үлесі туралы айтып берді. Атап өту қажет, теріскейлік ЖОО 15 жылдан астам уақыт бойы осы сала үшін жоғары білікті мамандар даярлауда.
Өткен жылдан бастап студенттер Агротехнологиялық факультетте білім алуда. Аталмыш факультетте ғалымдар Ресей мен алыс шетелдердегі әріптестерімен бірге зерттеулер жүргізеді. Атап айтқанда, Қытайдың Солтүстік-Батыс орман және ауыл шаруашылығы университетімен бірлескен ғылыми әзірлемелер СҚМУ-да ашылған Агротехнопарк негізінде жүзеге асырылады.
Алқалы жиын барысында ҚазАТУ проректоры Қайрат Айтуғанов ҚР 9 шаруашылығында нақты егіншілік бойынша жаңа технологияларды енгізу тәжірибесі туралы хабарлады. Бұл еңбек өнімділігін арттыруға мүмкіндік береді.
Сондай-ақ, сарапшылар ГАЖ-технологиялар, фитосанитарлық қауіпсіздік пен агрохимиялық топырақ карталарын жасау бойынша ақпарат берді. Айта кету керек, мұндай семинарлар Қазақстанның 4 облысында өтпек.
