2019 жылдың қаңтардың 17-сі күні М.Қозыбаев атындағы СҚМУ-да "Қазіргі білім беру жүйесі, оқытудың жаңа педагогикалық технологиялары" тақырыбында аймақтық семинар өтті. Аталмыш шараны «География және экология» кафедрасы 5-ші жыл қатарынан ұйымдастыруда. Алқалы жиынға жетекші педагогтар мен мамандар, практиктер, кафедраның көрнекті түлектері қатысты.
Бұл шара әлеуетті жұмыс берушілермен өзара іс-қимылдың жаңа түрлерін іздеу, кәсіптік бағдар беру жұмыстары, түлектерді жұмысқа орналастыру шеңберінде ұйымдастырылды.
Семинардың басты мақсаты – жоғары білікті мамандарды даярлауда қазіргі білім беру жүйесі, оқытудың жаңа педагогикалық технологияларын қолдану. Осы жиын негізінде «георафия және экология» кафедрасының оқытушылары жаңа оқу-әдістемелік құралды басып шығаруды жоспарлап отыр.
Шара барысында «Әлеуетті жұмыс берушілер өкілдерімен өзара әрекеттесу ерекшеліктері», «Мектептегі географияны оқытудың жаңартылған бағдарламасының мазмұны», «Мектеп бітірушінің құзыреттілік моделін қалыптастырудағы практиканың рөлі» тақырыбында баяндамалар оқылды. Ал семинардың соңында барлық жиылғандар спикерлерге өздерін қызықтырған сұрақтарды қойып, ұсыныстарын білдірді.
