2019 жылдың 23 қаңтар Астана қаласындағы «Нұр әлем» кешенінде «Тәуелсіздіктің ұрпақтары» атауымен Жастар жылының ашылу салтанаты болып өткені бәрімізге мәлім. М. Қозыбаев атындағы СҚМУ студенттері де бұл ауқымды шарадан қалыс қалмады. Аталмыш жиынға Мемлекет басшысы, Үкімет мүшелері, «100 жаңа есім» байқауының жеңімпаздары, «Болашақ» бағдарламасының түлектері, жас ғалымдар және т.б. қатысты. СҚО делегаттарының қатарында «Жас Сарбаз» әскери-патриоттық қозғалысының СҚФ төрағасы, «Серпін-2050» республикалық бағдарламасының қатысушысы Әкімжан Төлебай бар. Ауқымды іс-шараны университетіміздің №1 оқу корпусында 1700-ге жуық адам теледидар арқылы тікелей эфирден тамашалады. Олардың ішінде М. Қозыбаев атындағы СҚМУ-дың басшылығы, оқытушылары мен студенттері.
Салтанатты ашылуда тәуелсіздік ұрпақтары өздерінің жетістіктерімен және жоспарларымен бөлісіп, ұсыныстар мен тілектер білдірді. Мәселен, танымал кәсіпкерлер, стартаптар, волонтерлер, ауыл шаруашылығы, ғылым және әдебиет саласындағы мамандар сөз сөйледі. Осылайша, елімізде мемлекеттік жастар саясатын жан-жақты қолдау мен жүзеге асыруға бағытталған ауқымды іс-қимыл жоспарын іске асыру СҚМУ-да бастау алды.
Білім ордамыздың «Агрономия» мамандығының 1 курс студенті, «Серпін-2050» республикалық бағдарламасының қатысушысы Шыңғыс Оразымханов агротехнологиялық факультеті деканының және оқытушылардың қолдауымен «Жастар LIFE» жобасын бастауда. Бұл жобада міндетті түрде білім, спорт және өнер қарастырылатын болады. Сондай-ақ, азаматтың айтуынша: «Аталмыш жобаны СҚО мекемелері, жастары арасында жарыс ретінде өткізсек деген ойымда бар»,- дейді.
Салтанатты ашылуда, Нұрсұлтан Назарбаев «ғалымдардың болжауынша, 2050 жылға қарай қазіргі мамандықтардың жартысы жасанды интеллектпен ауыстырылады»,- деді. Оның пікірінше, жасанды интеллект «қиын» мамандықтарды талап етпейді. Олардың ішінде: ғалымдар, IT-саласының топ-менеджерлері, жоғары санаттағы дәрігерлер. Біздің университет дәл осы салаларда мамандар даярлауда.
Бұдан басқа, таяу уақытта Елбасының бұйырығымен «Жастар стартаптарын қолдау қоры» құрылады. Ғылым мен білім беруді дамыту, сондай-ақ қазақстандық жастарды зерттеуге ынталандыру үшін жыл сайын 3 млрд. теңге бөлінетін болады.
М. Қозыбаев атындағы СҚМУ-да 400-ден астам жас оқытушылар өз зерттеулерін жүргізеді. Сондай-ақ магистранттар, докторанттар мен студенттер күн сайын ғылыми зерттеулерге қатысады. Олардың барлығы үшін мұндай қолдау - бұл жұмысқа жаңа ынталандыру.
Сондай-ақ, ҚР Президенті «Жас маман» бағдарламасын «100/200» қағидаты бойынша дамыту қажет. Үш жыл бойы жоба еліміздің барлық аймақтарында шамамен 200 мың жас азаматты қамту керек. Оның аясында 200 мамандандырылған білім беру мекемелерінің базасында 100-ден аса талап етілетін өндірістік және сервистік мамандықтар бойынша мамандар даярланатын болады», - деді.
Онлайн-трансляция аяқталғаннан кейін студенттер кәсіп одағының төрағасы Әділ Бейсембаев біздің студенттік жастарымыз Ұлт Көшбасшысының алдына қойған міндеттерін шешуге бел байлағанын атап өтті.
