Жақында ғана Қазақстанда Жастар жылы бастау алған болатын. СҚО-да бұл ауқымды оқиғаның «Алғашқы қарлығаштары» М. Қозыбаев атындағы СҚМУ-дың белсенділері болды. Олар 2019 жылдың 25-ші қаңтарында РФ, Екатеринбург қаласында өткен "ЕЭО жастар өлшемі" ресей-қазақстандық форумына қатысып қайтты.
Іс-шара Ресейдің Тұңғыш Президенті Б. Н. Ельцин атындағы Орал федералдық университетінің базасында өтті. Оған Орталық Азия елдерінен шыққан – Орал федералдық университетінің студенттік көшбасшылары, сондай-ақ, Қазақстанның оқу ордаларынан – Л. Н. Гумилев атындағы Еуразия ұлттық университетінің, Қостанай әлеуметтік-техникалық университетінің және М. Қозыбаев атындағы СҚМУ-дың студенттері қатысты. Біздің ЖОО-дан студенттік ректор Айнұр Әбілтаева, Жастар ісі жөніндегі комитеттің төрағасы Богдан Петров, студенттер кәсіподағының төрағасы Әділ Бейсембаев және Аяна Дзортова мен Радмила Мусаева атты белсенділер қатысты. Форумды "Урал-Евразия"сарапшылар клубы ұйымдастырды.
Орал федералдық университетінің Ғылыми кеңесінің мәжіліс залында ғалымдар, делегация мүшелері және студенттер жиналды. Кездесу барысында ЕЭО қызметінің қалыптасу тарихы мен қорытындылары, осы бірлестік шеңберіндегі ынтымақтастық перспективалары, басқа елдермен өзара іс-қимыл мәселелері талқыланды М. Қозыбаев атындағы СҚМУ өкілдері Солтүстік Қазақстан облысының Еуразиялық экономикалық одақ жұмысына қатысуы мен рөлі туралы баяндамаларымен бөлісті.
Бағдарламаның арнайы қонағы "Солтүстік-Оңтүстік" Саяси орталығының директоры Анжелика Трапезникова болды. Ол өзінің ұйымы туралы айтып, жиналғандарды ынтымақтастыққа шақырды. Сондай-ақ, форум қонақтарын Орал федералдық университетінің өткені мен бүгіні туралы таныстырды: бас корпуста олар ЖОО мұражайында, Студенттер Одағының кабинетінде, коворкинг-орталығында болды.
Үш күндік сапар аясында біздің білім алушылар Екатеринбург қаласы үшін маңызды орындарда да болып қайтты. Мәселен, "Ельцин-орталықта"олар Ресейдің Тұңғыш Президенті туралы көп жаңалықты білді. Және қайта құру және виртуалды экспозициялар арқылы елдің қалыптасу тарихымен танысып," Гринвич" ойын-сауық орталығы мен басты қалалық даңғылдарын аралап қайтты.
Бұл іс- сапар студенттерге ерекше әсер қалдырды. Олар университетті әрі өңірді лайықты таныстырып, басқа жоғары оқу орындарымен тәжірибе алмасты. Сондай-ақ, Қазақстан мен Ресей студенттерінің халықаралық байланыстарын орнатуда кезекті қадам жасап, септігін тигізді.
