12.12.18. Қазақстан Республикасының Тәуелсіздігі күніне орай Тіл және әдебиет институтының практикалық қазақ тілі кафедрасының ұйымдастыруымен және Тәрбие жұмысы жөніндегі департаментінің және «Нұр Отан» партиясының Болашақ филиалының қолдауларларымен «Тәуелсіздікті жырлаймыз!» атты ән фестивалі № 1 оқу корпусының акт залында өткізілді. Мақсаты: Туған елге, Қазақстанға деген патриоттық сезiмін, сүйiспеншiлiгін одан әрі ұластыратын ән-жырларымен келген қонақтарды таныстыра отырып, Отанды сүюге, оның байлығын, кең даласын қорғауға тәрбиелеу, өнерлі студенттер мен қызметкерлерді анықтау.
Фестивалдің қорытындысы: Бас жүлде - Педагогикалық факультеттің Музыка білім мамандығы бойынша оқитын Садаев Әділеттің орындауында «Гүлстан Қазақстан» әні. 1-орын: Инженерлік және сандық технологиялар факультеттің Дизайн мамандығы бойынша оқитын 2 курс студенті Ерденова Аружанның орындауында «Гүлстан Қазақстан» әні. 2-орын: Тіл және әдебиет институтының Шет тілі мамандығында оқитын 1курс студенті Ескендірова Жұлдыздың орындауында «Елім-ай әні. 3-орын: Педагогикалық факультеттің Мектепке дейінгі білім және тәрбиелеу мамандығының студенті Гейн Ольганың орындауында «Саржайлау» әні. Жеңімпаздар, белсенді қатысушылар сыйлықтармен, дипломдармен, алғыс хаттармен марапатталды.