2019 жылдың 18-ші ақпанында «Саналы ұрпақ» жобалау кеңсесінде студенттердің өзін-өзі басқаруы мен ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша Департаментінің жетекшісі Елена Степаненкомен кездесу өтті.
Ол университет белсенділерінен «Саналы ұрпақ» ЖК жұмысы қалай бағытталған, ең алдымен, күнделікті сыбайлас жемқорлықты жою, студенттерді әлеуметтік зұлымдыққа төзбеуін үйрету туралы сұрады.
Студенттер өз кезегінде білім алушылар мен педагогтарға МҚІжСЖҚІҚА Департаментінің өкілдерімен кездесуді ұйымдастырып, СҚО-дағы «қолдары таза емес» лауазымды тұлғалардың нақты мысалдары бар бейнероликтерді көрсетуді талап етті. Сондай-ақ, әлеуметтік желілер арқылы таратылатын ақпараттық парақшалар әзірлеу, сыбайлас жемқорлыққа қарсы заңнаманы түсіндіру, «Оқытушы студенттердің көзімен» және т.б. сауалнамалар толтыру керек деп өз ұсыныстарын ашық айтты.
Еске сала кетейік, «Саналы ұрпақ» жобалау кеңсесі өткен жылдың 25-ші желтоқсанында М. Қозыбаев атындағы СҚМУ-да білім беру саласындағы жемқорлықты жою және парақорлыққа төзбейтін ортаны қалыптастыру мақсатында құрылған болатын.
