М. Қозыбаев атындағы СҚМУ ұжымының кәсіби бағдар кездесулерінің бірі осы аптада Тайынша қаласында өтті. Кездесуге университет ректоры, декандар, қабылдау комиссиясының өкілдері, студенттер және 150-ге жуық мектеп оқушылары қатысты. Делегацияны М. Қозыбаев атындағы Солтүстік Қазақстан мемлекеттік университетінің ректоры - Серік Өмірбаев басқарды. Ол жиын барысында талапкерлерді өңіріміздің ірі ЖОО-мен таныстырып, университет бере алатын, білімнің жоғары сапасы туралы айтты.
Аталмыш жиынға Тайынша қаласының әлеуметтік жұмыстар бойынша әкімінің орынбасары Алданазар Жанар Ермекқызы қатысты. Сөз барысысында ол осыдан 26 жыл бұрын СҚМУ – дың түлегі болғаның сөзге тие кетіп, университет делегациясына алғысын білдірді. Сонымен қатар, кездесу концерттік бағдарламаға ұласып, қатысушылар назарына оқу ордамыздың шығармашылық ұшымының атынан әсем ән мен мың бұралған бишілер және СҚМУ- дың Жайдарман ойыншылары ұсынған әзілдермен жалғасты.
Жиын сонында факультет декандары болашақ талапкерлерге мамандықтар, білім беру бағдарламалары мен тәжірибелері туралы толық мағлұмат берді. Оқушылар ЖОО туралы пайдалы ақпарат алуға қызығушылық танытып, сұрақтар қойды.
