2019 жылдың 21-ші ақпанында М. Қозыбаев атындағы СҚМУ қабырғасында Ұлы даланың жеті қыры» мақаласы аясында қазақстандық патриотизмді насихаттаудағы әскери бұқаралық ақпарат құралдарының рөлі» тақырыбында университетіміздің және ҚР Ұлттық ұлан әскери институтының ұйымдастыруымен дөңгелек үстел өтті.
Дөңгелек үстелге Ұлттық ұлан Бас қолбсшылығы мен Әскери институты, университеттің ректораты, «Журналистика» кафедрасының оқытушылары мен студенттері, қоғам мен БАҚ және мемлекеттік органдардың баспасөз өкілдері және қоғам қайраткерлері қатысты.
Жиында әскери патриотизм туралы және Қазақстанда әскери журналистиканың ашылуы жайында сөз қозғалды. ҚР Ұлттық ұлан әскери институты бастығының тәрбие және әлеуметтік-құқұқтық жұмыстар жөніндегі орынбасары Савердин Имиров қазіргі уақыттағы Қазақстандағы Қорғаныс министрлігі жарияланатын апталық «Сарбаз» газеті, «Айбын» журналы, ҚР Ұлттық қауіпсіздік комитетінің шекара қызметінің «Отан сақшысы» газеті, сондай-ақ, «Шекарашы» журналы және т.б. әскери басылымдар жайында айтты.
Сонымен қатар, ҚР Ұлттық ұлан әскери институты «Казбат» жұмыс атауымен тағы бір көркем фильм жасау үшін «Қазақстан» телеарнасымен бірлескен жобаны жүзеге асыруда. Фильм 1995 жылғы 7 сәуірдегі тәжік-ауған шекарасында ішкі әскерлердің 17 жауынгердің батырлық ерлігін көркемдейді.
М. Қозыбаев атындағы СҚМУ профессоры Зарқын Тайшыбай, жиналғандарға әскери журналистика туралы айтты. Сондай-ақ, алдағы уақытта біздің университет пен ҚР Ұлттық ұлан әскери институты оқу ордамызда әскери журналистика мамандығын ашуды көздеп отыр екен. Бұл мамандық «Журналистика» кафедрасы базасында жұмыс істейтін болады.
