2019 жылдың 21-ші ақпанында «Рухани Жаңғыру» бағдарламасын жүзеге асыруға арналған іс-шаралар аясында Х-шы облыстық вокалдық шығармашылық «Таң Шолпан» байқауы өтті. Әдеттегідей М. Қозыбаев атындағы СҚМУ СҚО-ның жас таланттарына өз есігін ашты. Олардың өнерлерін шыңдауға берілген мүмкіндік біздің университетіміздің, колледждердің студенттеріне, қаланың және облыстың жоғары сынып оқушыларына ұсынылды.
Жыл сайын өздерінің шығармашылық қабілеттерін ашуға дайын қатысушылардың саны артып келеді. Бұл жолы мерейтойлық байқауға 30 қатысушы өтініш білдіріпті. Залда бірегей атмосфераға толы заманауи және классикалық композициялар, мелодиялы дауыстар және көрермендердің қошеметтері кеш бойы тоқталмады.
Байқаудың негізгі талабы бір вокалдық шығарманы жанды дауыста немесе жеке сүйемелдеуді орындау керек болды. Сондай-ақ, кейбір әншілер а капелла орындады. Биыл бұл шараға СҚМУ-дан екі жеке әртістер мен екі дуэт бақтарын сынады. Қазылар алқасы бәсекені: академиялық, халықтық, эстрадалық және авторлық орындау сияқты төрт бағыт бойынша бағалады.
Кіші топта жүлделі орындарды Валерия Гейдарова (Петропавл қ. №5 ОМ), Екатерина Криворучко (Есіл ауданы, Корнеевка ауылы), Ақнұр Төлеутай (Петропавл қ. «Өнер мектебі- музыкалық және эстетикалық бейіндегі дарынды балаларға арналған арнайы мектеп-интернаты» кешені) иеленді.
Жоғарғы топта жеңімпаз атанғандар: Әділет Садаев (М. Қозыбаев атындағы СҚМУ), Арлан Ақаев және Жақсылық Серікбол дуэті (Петропавл қ. «Өнер мектебі- музыкалық және эстетикалық бейіндегі дарынды балаларға арналған арнайы мектеп-интернаты» кешені), Юлия Лазарева (М. Қозыбаев атындағы СҚМУ), Аружан Сүлейменова (Петропавл қ. «Өнер мектебі - музыкалық және эстетикалық бейіндегі дарынды балаларға арналған арнайы мектеп-интернаты» кешені).
Гран-при Назарбаев зияткерлік мектебінің «DE ROIS» Ансамбліне бұйырды. Байқаудың барлық жүлдегерлері лауреат атағына ие болып, бағалы сыйлықтармен марапатталды.
