Алматы қаласында өткен ҚР ІІІ қысқы Жастар ойындарында Солтүстік Қазақстан облысының командасы керлингтен "аралас командалар" пәні бойынша 1-ші орынға ие болды. Облыстық құрамаға М. Қозыбаев СҚМУ студенттері де кірді. Жеңімпаздардың есімдері төмендегідей: Дәулет Тарбак, Глеб Вибе, Роман Жежеря, Виктория Нистор, Кристина Гречман, Рузби Эргашева.
Керлинг бойынша құраманы "Дене және әскери тәрбие теориясы мен әдістемесі" кафедрасының доценті Денис Зернов және аға оқытушы Иван Буняшин жаттықтырады.
Сондай-ақ, 2019 жылдың 23 ақпанында осы ойындардың чемпионы болып Данила Викторенко атанды. Ол Қысқы Президенттік көпсайыстан СҚО командасының намысын қорғады.