15 жылдан астам уақыт бойы біздің университетте тіл пәндері бойынша оқушылардың жыл сайынғы пәндік олимпиадасы өтуде. 2019 жылдың 26 ақпанында аталмыш шараны Петропавл қаласы мен Солтүстік Қазақстан облысы аудандарының 10 - 11 сынып оқушылары арасында ТжӘИ ұйымдастырды.
Олимпиада қазақ, орыс, ағылшын, неміс және француз тілдерінде өткізілді.
Бірінші қашықтық кезеңге 500-ден астам өтініш берілген болатын. Олардың арасындағы ең сауатты оқушылар, біздің ЖОО қабырғасында күндізгі кезеңге қатысты. Бұл жерде олар тестілеу, тыңдалым, мәтінді аудару және т. б. жаттығуларды орындады.
Сонымен қатар, университетіміздің «Орыс тілі және әдебиеті» кафедрасы мұғалімдерге арналған "Бәсекеге қабілетті түлекті дайындау шарты ретінде кәсіби құзыреттілікті қалыптастыру" атты семинар ұйымдастырды. Оның бағдарламасында: мастер-класстар және жұмыс берушілердің талаптарын ескере отырып, ПОҚ-тың элективті курстарын талқылау.
Барлық тапсырмаларды шешу үшін оқушыларға 3 сағатқа дейін уақыт берілді. Ал жауап парақтарын тексеру кезінде қазылар алқасы балаларға Лингва-шоуға қатысуды ұсынды. Бұл А. С. Пушкиннің ертегілері негізінде жұмбақтарды шешуге қажетті зияткерлік ойын. Қатысушылар театрландырылған көріністер мен интерактивті байқаулардың арқасында Лукоморья атмосферасына үңілді.
Олимпиада жеңімпаздары мен жүлдегерлері І, ІІ және ІІІ дәрежелі дипломдармен марапатталды. Зияткерлік жарысқа барлығы 200 жуық адам қатысты.
