2019 жылдың 27 ақпанда М.Қозыбаев атындағы СҚМУ-да Қазақстан Республикасы Президенті «Болашаққа бағдар: рухани жаңғыру бағдарламалық мақаласындағы «Туған жер» жобасында белгіленген идеяларды жүзеге асыру аясында «Туған жердің патриоттары – ел тірегі» атты аймақтық іскерлік ойын өтті. Аталмыш жиынға оқу орданың 1 курс студенттері, М. Жұмабаев атындағы гуманитарлық колледж студенттері, М. Айтхожин атындағы №1 және №8 орта мектептерінің 10-11 оқушылары қатысты. Атап өту қажет, әр командаларды қолдау үшін мұғалімдер мен оқушылар да келді.
Аталмыш ойын «Тұсау кесер» кезеңі, үй тапсырмасын қорғау, «Туған жердей жер болмас, туған елдей ел болмас» мақал-мәтелдер сайысы және «Туған жер» видеокомментарий атты 4 кезеңде өтті. Бірінші кезеңде әр қатысушылар өз топтарының атауы мен ұрандарымен таныстырды. Екінші кезеңде «Мен Қазақстанда туып өстім» атты шағын бейне роликтерін ұсынды. Үшіншіде командалар отан, туған жер жайлы мақал-мәтелдердің алғасын тауып, оның мағынасын ашып талқылады. Төртінші кезеңде «Менің елім – Қазақстан» бейне фильміне баяндама дайындау талап етілді.
Шараның соңында барлық ойынға қатысушылар арнайы дипломдар және алғыс хаттармен марапатталды. Өткізілген жиының мақсаты келешек жастар арасында патриотизімдік сезімді қалыптастыру, мемлекеттік тілді толық меңгеруге, оған құрметпен қарап, туған жерді сүюге тәрбиелеу.
Бұл іс-шара Елбасы саясатын жүзеге асыру және Жастар жылын қолдау негізінде ұйымдастырылды.
