2019 жылдың ақпанның 27-і М.Қозыбаев атындағы СҚМУ-да студенттік КТA лигасының жартылай финалы өтті. Көңілді тапқырлар алаңында 5 кұрама өз бақтарын сынады. Шараға оқу ордамыздың студенттерінен бөлек, қала командалары қатысты. Аталмыш ойын студенттік клубтың ұйымдастыруымен өтті.
КТА дәстүрлі түрде 3 кезеңнен тұрды: сергіту сәті, сәлемдесу және биатлон. Әзілқойлар алғашқы сәттен бастап көрермендерді салмақты әзілдермен күлкіге батырды. Әзіл кешінде көңілді тапқырлар командалары қоғамдағы түйіткілді тілге тиек етіп, өткір мәселелерді де көтерді. Көрермен қауымды күлкіге көміп, ойландыра да білді. Ойынға жайдарманшылар жақсы дайындықпен келген.
Сайыстың нәтижесі бойынша ойынның жеңімпазы «Трио им. Гурбангулы Бердімухамедова» құрамасы атанды. 2 орынды Кокшетау қаласының «Панда» құрамасы иеленсе, 3 орынға университетіміздің «Ерлер құрамасы» лайықты деп таңылды. Барлық жүлдегерлер белсенді қатысқаны үшін сертификаттар және естелік сыйлықтармен марапатталды.
