Дүниежүзілік денсаулық сақтау ұйымының шешімімен Дүниежүзілік туберкулез ауруымен күрес күні 1882 жылы неміс микробиологы Роберт Кох туберкулез қоздырғышын тауып, жариялаған күннен бастап аталып өтіліп келеді. 1993 жылы Дүниежүзілік денсаулық сақтау ұйымымен туберкулез ұлттық апат болып, ал 24 наурыз - Дүниежүзілік туберкулезбен күрес күні болып жарияланды.
Салауатты өмір салтын қалыптастыру және туберкулездің алдын алу бойынша бірлесіп әрекет ету жоспарын орындау мақсатында «Облыстық туберкулезге қарсы диспансер» мамандары 2019 жылдың ақпанның 27-28 күндері М. Қозыбаев атындағы СҚМУ-да лекция ұйымдастырды. Жиын «Туберкулез, аурудың белгілері және оны алдын алу» тақырыбында өткізілді. Шараға университетіміздің барлық факультеттерінің студенттері қатысты.
Лекция барысында: жұқтыру көздері, жолдары, берілуі, белгілері, алдын алу диагностикасы, шаралары туралы мәселелер қаралды. Аталған лекция туберкулезбен күресті күшейтуге бағытталған. Шараны жүргізу барысында қатысушылар белсенді түрде түрлі сұрақтар қойып, талқылады.
