2019 жылдың 15 наурызында М. Қозыбаев атындағы СҚМУ-да агротехнологиялық факультеттің "Азық-түлік қауіпсіздігі" кафедрасы зертханасының ашылу салтанаты болды. Ол университеттің интернет-кафесі ғимаратында орналасқан. Енді бұл зертханада "Азық-түлік өнімдерінің технологиясы" мамандығының студенттері өздерінің тәжірибелік дағдыларын шыңдайды.
Салтанатты лентаны кесу құқығы оқу ордамыздың бірінші проректоры Ербол Исақаев пен СҚО рестораторлар мен ательерлер Қауымдастығының төрағасы Сайран Хамзинге берілді.
Осы маңызды оқиғаны тамашалауға көптеген меймандар келді: өңірдегі танымал бизнесмендер – біздің ЖОО түлектерінің болашақ жұмыс берушілері, университет оқытушылары мен қызметкерлері, облыстық Қазақстан халқы Ассамблеясының этномәдени бірлестіктерінің өкілдері.
Сонымен қоса, ҚХА кафедрасы жиылғандарға қазақ ұлттық тағамдарын дайындау бойынша мастер-класс ұйымдастырды. Студенттер бесбармақ, бүйрек, құрт және басқа да тағам түрлерін дәм татуға ұсынды. Білім алушылар кейбір астардың дайындау процесін іс жүзінде көрсетті. Шараға қатысушылар тамақтардың дәмін көріп, мерекелік бағдарламадан ләззат алды. Енді зертхана базасында екі жаңа цех ашу жоспарлануда. Сүт және ет өңдеу. Олар болашақ технологтар үшін практикалық негіз болуға тиіс және еңбек нарығында жоғары сұранысқа ие кадрларды шығаруға мүмкіндік бермек.
