«Өзін-өзі тану» пәні бойынша олимпиада өтті

2019 жылдың 29-шы наурызында М. Қозыбаев атындағы СҚМУ-да «Өзін-өзі тану» пәні бойынша колледж және мектеп білім алушылары мен университетіміздің «Әлеуметтік педагогика және өзін-өзі тану» мамандығының оқушылар және студенттер арасында олимпиада өтті. Бақталасты «Арнайы және әлеуметтік педагогика» кафедрасы ұйымдастырды.

Олимпиада екі кезеңнен тұрды. Алғашқысында қатысушылар сырттай тапсырма, үй жұмысын орындады. Оларға 3 тақырып беріліп, солардың біреуін таңдап, эссе жазған болатын. Ал екінші кезең екі айналымнан құрылды. Біріншісінде – қатысушылар теориялық тест тапсырмаларын орындады, ал келесіде олар «Қызмет ету қуанышы» тақырыбында жобаларын қорғады. 

Нәтижесінде:

I-орын:

• Мөлдір Семей, «Благовещенка жалпы орта білім беру мектебі» КММ (Жамбыл ауданы)
• Тәуекел Ахметжан, М.Жұмабаев атындағы гуманитарлық колледж

II-орын:

• Гүлім Қайырбай , «Қазақ мектеп-гимназиясы» КММ
• Аяулым Нүсербай, Елдана Ерсайнова,  «Қожаберген жырау  атындағы №6 орта мектеп»

III-орын:

• Риза Баязитова,  «С.Шаймерденов атындағы қалалық классикалық гимназия» КММ
• Мерей Қстаубаева, №42 орта мектеп
• Наталья Халина, « Әл-Фараби  атындағы мектеп-лицей»

Аталмыш олимпиаданың мақсаты - құндылық бағдарларын қалыптастыру арқылы балалар мен жасөспірімдерге рухани-адамгершілік білім беру, шығармашылық потенциалын дамыту, шығармашылық қызметте өзін-өзі көрсетуге ұмтылуды ынталандыру болып табылады.