М.Қозыбаев атындағы СҚМУ қайта даярлау және біліктілігін арттыру институты "Бакалавриат, магистратура және докторантура мамандықтарының білім беру бағдарламаларын қалыптастыру, жаңарту және жетілдіру" тақырыбында біліктілікті арттыру курсы өткізді.
Жиында Х. А. Ясауи атындағы xалықаралық қазақ-түрік университетінің үздіксіз білім беру және қашықтықтан оқыту орталығы басшысының орынбасары Ермек Меңдібаев дәріс оқыды. Сабаққа ПОҚ және ЖОО қызметкерлері арасынан 48 адам қатысты.
Қатысушылар үшін университеттерде оқу үдерісін ұйымдастыру бойынша жаңа, пайдалы және өзекті ақпарат ұсынылды, сондай-ақ оны жетілдіру және критериалды бағалау мәселелері қаралды. Тыңдаушылар аталған біліктілікті арттыру курсы жоғары деңгейде өткенін, ал алынған тәжірибе заманауи оқыту әдістерін қолдану мен тәжірибелік дағдыларды кәсіби педагогикалық қызметте қолданатын болады деп атап өтті.
