Полиатлоннан ҚР чемпионатындағы жеңіс

Тарих, экономика және құқық факультетінің "Құқықтану" мамандығы бойынша оқитын студент Томирис Имамбаева жазғы Президенттік көпсайыс (полиатлон) бойынша жабық алаңдағы ҚР Чемпионатының жеңімпазы атанды. Дода Көкшетау қаласында 25-30 наурыз аралығында өтті. Жарысқа еліміздің барлық аймақтарынан ұлдар мен қыздар қатысты.

Чемпионат бағдарламасы 3 кезеңнен құралды: жүгіру, жүзу және ату.  Томирис әрбір сыннан сәтті өтіп, құрмет тұғырының жоғары сатысына ие болды. Айта кету керек, спортшыны "Дене және әскери тәрбие теориясы мен әдістемесі" кафедрасының оқытушысы Александр Наумов жаттықтырады.