Ең креативті, өнерлі әрі талантты. Осының барлығы "Стартап Болашақ: Менің арманым" республикалық байқауының аймақтық іріктеу кезеңіне қатысушылар туралы.Бұл жоба осымен екінші жыл өткізіліп келеді және ең қызықты идеялар авторларын жинайды.Негізгі мақсаты-өмір сапасының стандарттарын жетілдіруге бағытталған жас кәсіпкерлердің әлеуметтік маңызы бар бизнес-бастамаларын қолдау, елдің әлеуметтік-экономикалық өміріне озық білім мен технологиялардың трансфері.
Жалпы алғанда, Солтүстік Қазақстан облысынан байқауға 200-ден астам адам өтінім берді. Олардың барлығы 2019 жылдың 19 сәуірінде М.Қозыбаев атындағы СҚМУ бас корпусына жиналды. Жас бизнесмендерді бірінші проректор Ербол Исақаев қарсы алды. Сондай-ақ, ашылу салтанатында Қазақстан Республикасы Білім және ғылым министрлігінің өкілі Дамир Мнайдаров, СҚО әкімдігінің кәсіпкерлік және туризм басқармасы бөлімінің басшысы Дәурен Тоққожинов және өткен жылғы маусымның супер-финалының жеңімпазы Ақжан Жолдыбаев сөз сөйледі.
Олар өз жетістіктерімен бөлісіп, табысты бизнесмендер – өңірлік кәсіпкерлер кеңесінің төрағасы Владимир Богданов және Өскемен қаласының "Стимул" оқу орталығының жетекшісі Галина Самойлова жобаға қатысушыларға тілек білдірді. Сахнада университет әртістері – вокалист Нұрпейіс Өмірзақ және "Антурнан" заманауи және халықтық хореография ансамблі өнер көрсетті.
Енді қатысушылар екі күн аралығында - кәсіпкерлік дағдыларға үйренеді және менторлармен жұмыс жасайды.
