2019 жылдың сәуірдің 22-23 күндері М. Қозыбаев СҚМУ ұжымы мектеп оқушыларын кәсіби бағдарлау мақсатында Ақжар және Уалиханов аудандарына барып қайтты. Аталмыш кездесуге оқу ордамыздың декандары, қабылдау комиссиясының өкілдері және студенттер қатысты.
Ресми бөлімді ғылым және инновациялар жөніндегі проректор, тарих ғылымдарының докторы Ыбыраева Ақмарал Ғосманқызы ашты.Ол әлеуетті талапкерлерді аймақтағы ірі ЖОО-мен таныстырып, университеттің мүмкіндіктері мен оқу ордадағы білімнің жоғары сапасы туралы айтты.
Сондай-ақ, университет өкілдері болашақ студенттерге мамандықтар, білім беру бағдарламалары мен тәжірибелері туралы толық мағлұмат берді. Оқушылар ЖОО туралы пайдалы ақпарат алуға қызығушылық танытып, сұрақтар қойып алмасты. Айта кету керек, мұндай кәсіби бағдар жұмысы түлектерге болашақ мамандықты таңдауға көмектеседі. Бұл орта мектепті табысты аяқтауға ұмтылудың қосымша ынталандыруы.
Сонымен қатар, жиылғандар назарына шығармашылық ұжымдар дайындаған концерттік бағдарлама ұсынылды. Әуелете ән шырқалып, мың бұралған билер биленді.
