2019 жылдың сәуірдің 24-і М. Қозыбаев атындағы СҚМУ-да Петропавл қаласының мектеп түлектеріне арналған кәсіби бағдарлы кездесу өтті. Ашық есік күніне шаһарымыздың №1, №2, №6, №7, №8, №17, №20 және «БЭСТ» гимназиясының оқушылары жиылды. Шараға жалпы саны 300-ге жуық талапкерлер мен олардың ұстаздары қатысты.
Бүгінгі кездесуде талапкерлер үшін ерекше фотозона ұйымдастырылды. Онда түлектер көптеген хэштегтермен суретке түсті. Және «Гарри Поттер» қиял-ғажайып кейіпкердің бейнесінде түсірілім жасау мүмкіндігіне ие болды. Сондай-ақ, жиылғандар экраннан университет жайлы түсірілген роликті, оқу ордада өткен түрлі іс-шараларды тамашалай алды. Және де қонақтар үшін тәтті тағамдар ұсынылды.
Бұнымен қоса, мектеп бітірушілер назарына 60 мамандық бойынша көрме өтті. Әрбір факультет өздерінің бөлімшесі туралы таныстырылымдар ұсынды.Онда факультет декандары мен ұстаздар мамандықтар туралы, оқу үдерісі, студенттік өмірді ұйымдастыру және басқа да көптеген сұрақтарды талқылады.
Шараның басты мақсаты – болашақ студенттерді университет, оқытушылармен таныстырып, мамандықты таңдауға көмектесу. Университетіміздің белсенді жастары жиылғандардың көңілін барынша көтеруге тырысты. Нәтижесінде, талапкерлер қызықты ойындар мен викториналарға белсенді қатысып, өз өнерлерін ортаға салды.
Жиын барысында М.Қозыбаев атындағы СҚМУ ректоры Серік Өмірбаев түлектерге университетіміздің тарихы және жоғары оқу орнымызда білім алу келешегі, бітірушілердің маңсабы туралы кеңінен атап өтті. Ашық есік күні көңіл көтерер концертпен жалғасын тапты. Онда университетіміздің өнерлі жастары келушілерді өнерпаздықтарымен тәнті етті. Студенттер әуезді әндер айтып, ал университетіміздің «Антурнан» ансамблі би биледі.
Шараның соңында «instagram» әлеуметтік желісіне #меніңтаңдауымСҚМУ, #IloveNKSU хэштегтерімен суреттерін жүктеген оқушылар бағалы сыйлықтармен марапатталды.
