Сөздәйектер галереясы
Өзінен бұрынғылар айтқан пікір, ғылыми қорытындыларын бүкпей де, бүркемей де әділ бағасын беру, дұрысын қолдап, терістігін сынай отырып іздену арқылы ғана ғылым ілгерілемек.
Гір спортынан жарыс өтті
2019 жылдың сәуірдің 23-і М.Қозыбаев атындағы СҚМУ-да Ұлы Жеңіс күніне орай гір спортынан жарыс өтті. Байрақты бәсекеде университетіміздің жатақханаларында тұратын студенттер сынасты. Мықтылар жарысына М.Қозыбаев атындағы СҚМУ 4 факультетінен саны 30-ға жуық спортшылары қатысты.
Гір көтеру – спорттың ауыр түрі. Бұл қиын спорт болғанымен бүгінгі додаға жігіттерден қалыспай қыз балалар да келген. Жалпы сайыста қатысушылар гір тасын ұршықша иірді.
Нәтижесінде: жүзден жүйрік болып педагогикалық факультеттің студенттері атанды. 2-ші орын ТЭҚФ бұйырды. 3-ші орынға ТжӘИ ие болды. Ал 4-ші орынға ИСТФ лайықты деп танылды. Шараның соңында жеңімпаздар мен жүлдегерлер дипломдармен марапатталды.