2019 жылдың сәуірдің 25-і М.Қозыбаев атындағы СҚМУ дәстүрлі «Туған жер» атты ғылыми-тәжірибелік конференциясы өтті. Биылғы жылы осы тақырыпта өтіп жатқан жиын 10 рет ұйымдастырылуда. Конференцияның басты алға қойған мақсаты – Елбасының «Рухани жаңғыру» жобасы мен «Ұлы даланың жеті қыры» мақаласы аясында туған өлке, шекаралық ынтымақтастық, өлкетану, мұрағат көздерін жан-жақты қарастырып, студенттерге өз отанын сүюге баулу. Әрбір адамның табан тірер туған жері болады. Туған елге, жерге деген сүйіспеншілік адамды алға жетелеп отырады. Және де жас ұрпақтың бойына ел тарихын, шежіресін сіңіру аға ұрпақтың басты міндеттерінің бірі болып табылады.
Конференцияның жұмысы қазақ және орыс тілдерінде жүргізілді. Кездесуге өңіріміздің тарихшылары, этнограф мамандары, оқу ордамыздың студенттері мен магистранттары жиылды. Қатысушылар атап өткендей, мұндай іс-шаралар жастардың алдында өткен ұрпақтың тарихы мен жетістіктеріне деген құрмет сезімін тәрбиелеуге ықпал етеді.
Конференцияда СҚО мәдениет және тарих ескерткіштеріне, өңірдің этносаралық және дінаралық төзімділігіне, Солтүстік Қазақстан ғалымдарының тарихи зерттеулеріне және т.б. қатысты өзекті тақырыптар көтерілді.
