2019 жылдың 26 сәуірінде М.Қозыбаев атындағы СҚМУ «Қазақстан халқы Ассамблеясы» кафедрасының 5 жылдық мерейтойы аталып өтті. Аталмыш жиынға оқу орданың оқытушылары мен студенттері, сондай-ақ өңір әртістері мен Солтүстік Қазақстан облысының Қазақстан халқы Ассамблеясы қауымдастықтарының өкілдері қатысты.
Шарада М.Қозыбаев атындағы СҚМУ ректоры Серік Өмірбаев кафедраның жетістіктерін атап өтіп, оның дамуына үлес қосқандарды марапаттады.
Атап өту керек, аталған жиынның құрметті қонағы тілдерді дамыту жөніндегі басқармасының жетекшісі Кемел Қарашұлы Оспанов «Қазақстан халқы Ассамблеясы» кафедрасының осындай қысқа уақытта үлкен жетістіктерге жеткенін сөзге тиек етті. Сонымен қатар, ол Солтүстік Қазақстан облысы әкімінің құрмет грамотасымен кафедраға еңбек сіңірген үздіктерді марапаттады. Ресми бөлім концерттік бағдарламамен жалғасты. Өңіріміздің таңдай қақтырар әншілері мен мың бұралған бишілері көрермендердің көзаймына айналды.
