Мемлекеттік тілді білу - өскелең ұрпақтың лайықты дамуы мен барлық ұлттың жарқын болашағының кепілі. М.Қозыбаев атындағы СҚМУ студенттері қазақ тілі пәні бойынша республикалық олимпиадада өз білімдерін барынша көрсетті. Шара 2019 жылдың сәуірдің 26-сы Л.Н. Гумилев атындағы ЕҰУ-де орыс тілді бөлімдерінде білім алушылар арасында өтті.
Бұл зияткерлік сайыс Елбасы Н.Назарбаевтың бағдарламалық "Болашаққа бағдар: рухани жаңғыру" және "Ұлы даланың жеті қыры" мақалаларына арналды. Екі кезеңде қатысушылар лексика-грамматикалық тест, эссе жазу мен мәнерлеп оқу үшін монолог құру тапсырмаларын орындаған.
Нәтижесінде, барлық қарсыластарын артта қалдырып, бас жүлдені Айсель Мұстафаева (ЖММ) иеленді. Сонымен қоса, Розанна Голубцева (ИСТФ) "Тіл дарын" номинациясының иегері атанды. Қыздардың ғылыми жетекшісі-ф. ғ.к., доцент Кошанова Ж. Т.
Атап өту қажет, олимпиадаға еліміздің 8 жетекші жоғары оқу орындарынан 16 студент қатысты.