Бірнеше жылдар бойы, 2011 жылдан бастап, Қазақстан биоалуантүрлілікті сақтау қауымдастығы (ҚБСА) М. Қозыбаев ат. СҚМУ-дың "Биология" кафедрасының қызметкерлерімен бірлесіп, бірқатар республикалық және халықаралық жобаларды (AEWA) іске асыру шеңберінде "Қазақстанның солтүстігінде суда жүзетін құстар үшін заңсыз аң аулаудан қауіп-қатерді қысқарту", AEWA "Қазақстандағы шиқылдақ қаздың (гусь-Пискулька) санының күзгі мониторингі", Rufford fond "Researchon a condition of populations of geese and brents during migration and nestingin the conditions of the North Kazakhstan area", ҚР БҒМ "Қазақстанның солтүстігіндегі қаздар мен қарашақаздардың сирек және аңшылық түрлері популяциясының жай-күйін зерттеу (ГАЖ технологияларды, аэрофототүсірілімдерді және спутниктік телеметрияны қолдана отырып) және оларды сақтау үшін мониторинг жүйесін (іс-шаралар кешенін әзірлеу" және т.б.) және қоныс аударатын, сирек кездесетін, қорғаудағы суда жүзетін құстардың санын зерттеу бойынша кешенді мониторингтік жұмыстар жүргізілуде.
Ағымдағы жылы бұл жұмыстар жалғасуда. Ағымдағы жылы кешенді зерттеулер 20 сәуірден басталды.
Бұл кезең жергілікті жабайы құстардың ұшып келуі мен ұя салуының басталуымен, сондай – ақ суда жүзетін құстардың арктикалық түрлерінің, оның ішінде сирек кездесетін, жойылып кету қаупі бар қызылжемсаулы қарашақаз бен шиқылдақ қаздың жаппай ұшып өтуінің басталуымен сәйкес келеді. Сондықтан, заңсыз құс аулаумен байланысты браконьерлік фактілердің алдын алу, болдырмау мақсатында облыстың табиғат қорғау құрылымдары күшейтілген жұмыс режиміне көшті. Өткен аптада Солтүстік Қазақстан облыстық орман шаруашылығы және жануарлар дүниесі аумақтық инспекциясының инспекторлары (О. Б. Беспалов, А. В. Красников) ҚБСА Солтүстік Қазақстан филиалының өкілдерімен (И. А. Зубань, М. Н. Калашников) бірлесіп, сонымен қатар "Советское" аңшылық шаруашылығының аң аулаушысы (А. С. Ремшов) бірқатар рейдтік іс-шаралар өткізді, оның барысында облыстың 4 ауданындағы (Аққайың, Есіл, М. Жұмабаев, Тайынша) негізгі көші-қон учаскелері тексерілді.
5 күндік шығу қорытындысы бойынша жалпы саны 35 мыңнан астам суда жүзетін құстардың 16 түрі анықталды. Оның ішінде облыс аумағында алғаш рет Қазақстан үшін сирек кездесетін ақжақты қарашаказдың фототіркемесі белгіленді.
