2019 жылғы 30 сәуірде М.Қозыбаев атындағы СҚМУ-да ҚР Парламенті Мәжілісінің депутаттары болды. Бірінші кезекте Кәрібай Мұсырман, Құралай Қаракен және Артур Платонов коворкинг-орталықтың ашылу салтанатына қатысты. Шара университет кітапханасының негізінде ұйымдастырылған және 6 корпустың 3 қабатында орналасқан. Онда келушілердің жайлы оқуы мен демалысы үшін барлық жағдай жасалған.
Кездесуді аша отырып, ректор Серік Өмірбаев аталмыш креативті кеңістіктің ашылуы - университет студенттеріне жастардың жылы лебізін білдіретінін атап өтті. Кәрібай Мұсырман жиналған қауымды құттықтап, коворкинг білім алушылардың сүйікті орнына айналуын тіледі.
Лентаны кесу құқығы Артур Платонов пен кітапхананың ең белсенді оқырманы, төртінші курс студенті Ақнар Казезоваға берілді. Бұл жерде білім таратудың жаңа орталығында студенттер мәжілісмендерге өздерін қызықтырған сұрақтарды қоя алды. Білім алушылар депутаттардан АЭС құрылысының келешегі, оқу нәтижелеріне қарамастан шәкіртақы төлеу жоспарын, елдегі студенттік жатақханалар құрылысының барысын білді.
Одан кейін 5 корпуста ЖОО-ның қонақтары ІТ-орталығының, судың ғылыми-технологиялық орталығының жұмысымен танысты. Ал 4 оқу ғимаратында депутаттарға "Көлік және машина жасау"кафедрасының зертханалық кешендері көрсетілді. Сондай-ақ, меймандар ЖОО-ның 10 корпусын аралап, университет студенттерінің оқу және өмір сүру жағдайларын өз көздерімен көріп қайтты.
