Су айдындарындағы қауіпсіздік қағидалары
Құрметті әріптестер және студенттер!
Шомылу кезеңінің келуімен қарапайым қауіпсіздік қағидаларын сақтамау салдарынан бақытсыз жағдайлардың туындау қатері өсе түседі. Осыған байланысты, Сіздердің назарларыңызға келесі ұсыныстарды еске саламыз:
Су айдынына жақын орналасқан демалу орындарында болғанда демалушыларға келесілер РҰҚСАТ ЕТІЛМЕЙДІ:
• мас күйінде және есірткіге масайған күйде суға түсуге және шомылуға;
• қайықтардан, катерлерден, өткелдерден, сондай-ақ осы мақсатқа арналмаған құрылыстардан суға секіруге;
• тексерілмеген және жабдықталмаған жерлерде суға сүңгуге;
• жүзу шегін білдіретін қалтқы белгілерден асуға;
• жүзуге арналмаған заттармен жүзуге;
• су айдындарын ластауға және қоқсытуға;
• жағалауда және киім ауыстыратын орындарда демалушыларды жарақаттауы мүмкін қоқыстарды қалдыруға;
• жалған дабыл беріп айғайлауға;
• техникалық және алдын алу белгілерінің, қалтқы белгілерінің үстіне шығуға;
• балаларға ересектердің қарауынсыз суға кіруге.
Сонымен қатар, су айдындарының жабдықталмаған учаскелерінде шомылуға рұқсат етілмейді. Өздеріңізге және жақындарыңызға абай болыңыздар.
АҚ штабы