2019 жылдың 18 қыркүйегінде Елбасы Н.Назарбаевтың болашаққа бағдар: «Рухани жаңғыру» бағдарламасы аясында университетіміздің 5 оқу ғимаратында ректор Серік Өмірбаевтың қатысуымен іс-шара өтті. М.Қозыбаев атындағы СҚМУ кітапхана қоры жоба аясында 30 аталым бойынша 3840 дана кітапппен толыққан. Бұл көрсеткіш өткен жылға қарағанда екі есе көп.
Жобаның басты мақсаты – гуманитарлық білімнің барлық бағыттары бойынша әлемдегі ең жақсы 100 оқулықты әр түрлі тілдерден қазақ тіліне аударып, жастарға дүние жүзіндегі таңдаулы үлгілердің негізінде білім алуға мүмкіндік жасау. Елбасының тапсырмасына сай өңірімізде бірқатар жұмыстар атқарылып жатыр. Ректор Серік Өмірбаевтың сөзінше, университет бұл жобаның арқасында студенттерге сапалы білімнің қайнар көзі болатынына үлкен сенім білдірді. Қазіргі таңда жаңа оқулықтар силлабусқа енгізіліп, дүниежүзі тарихы, экономика, қазіргі педагогика, медиа, философия бағытында студенттерге қолданысқа берілді.
