14 қарашада Швецияның Қазақстандағы Елшілігінің делегациясы университетке келді. Швецияның ҚР Елшісі Матс Фойер Швецияның феминистік сыртқы саясаты туралы жиналған көпшілікке дәріс оқыды. Бұл тұжырымдама 2014 жылы жасалды және өзінің тиімділігін дәлелдеді. Оның негізгі басымдықтары: репродуктивті денсаулық және әйелдердің құқықтары, қоғамның барлық салаларында олардың саяси ықпалының кеңеюі сияқты сұрақтар талқыланды.
М. Қозыбаев атындағы СҚМУ ректордың м.а. Ербол Исақаев атап өткендей, біздің білім ордамызда 1104 қызметкердің 73%-ы әйелдер қауымы, басшылық құрамының жартысынан көбі әйелдер. Мұның бәрі университеттің кадрлық саясаты гендерлік теңдікті ескере отырып жасалғанын көрсетеді.
